«Մեր գերդաստանը» ընտանեկան նախագծիշրջանակում ուզում եմ ներկայացնել իմ գերդաստանի պատմությունը...
Իմ պապերը ապրել են Արևմտյան Հայաստանի Սասուն քաղաքում: Նրանք ունեցել են լուսանկարչատուն, զբաղվել են լուսանկարչությամբ: Նրանք իրենց նկարած լուսանկարներով մեծ համբավ են ձեռք բերել և քաղաքի բնակչության կողմից արժանացել են մեծ հարգանքի: Լուսանկարչատան հարևանությամբ գտնվել է զինվորական մի կազմակերպություն, որի բարձրաստիճան շատ սպաներ ևս օգտվել են պապիս պապուն պատկանող լուսանկարչատնից: Սակայն պապիս պապու և նրա եղբոր ճակատագիրը չի տարբերվել այն միլիոնավոր արևմտահայերի ճակատագրից, որոնք ենթարկվել են հալածանքների երիտթուրքերի կողմից, և նրանք ևս բռնել են գաղթի ճամփան: Պապիս պապը՝ Գրիգորը՝ իր ընտանիքով, և նրա եղբայր Միքայելը, թողնելով ամեն ինչ, մեծ դժվարություններով հասել են Արևելյան Հայաստան և հաստատվել Կոտայքի մարզի Լուսակերտ գյուղում, այնուհետև տեղափոխվել Երևան: Մենք պապիս պապի անունով կոչվել ենք Գրիգորյաններ: Ես շատ հպարտանում եմ իմ նախնիներով, նրանց լավ հայ ու ազնվաբարո մարդ լինելու փաստով, և մշտապես փորձում եմ ամեն ինչ
անել, որպեսզի բարձր պահեմ իմ պապերի անունը:
Комментариев нет:
Отправить комментарий